豪宅貴客 ︳港媽搭的士質疑兜路 發難斥司機粗人：我住跑馬地㗎！

住豪宅地段品格特別高尚？一名港媽日前帶女兒乘坐的士，疑就行車路線跟司機發生爭執，期間港媽突然發難稱自己居住跑馬地，批評司機是「粗人」，司機聞言反斥對方無理取鬧。影片引來網民熱議，不少人批評該港媽為人野蠻，恐對女兒造成壞榜樣，有網民則指司機面對港媽時仍有禮地講道理，大讚他好修養。

同場加映：

Sick問識答｜治療濕疹期間病情易反覆 中醫籲要有耐性戒食2類食物

{{hket:ul-video id="4870"}}{{/hket:ul-video}}

好人好事 ︳趕赴醫院見丈夫最後一面，冚旗的士會合乘客後折返義載，詳情即睇：【下一頁】

有網民在Facebook群組上載一段的士車Cam影片，片段中顯示事發日期為上周六（11日）下午約1時50分。片段開始時可見的士司機邊駕駛邊向帶同女兒乘車的港媽解釋行車路線，指如經告士打道行駛，有機會要「U（兜）個大彎」才能到達目的地跑馬地，未料港媽突然大聲喝稱：

「我梗係知啦我揸車㗎嘛，咁但我唔係靠揸車搵食呀嘛，我而家問你邊個位呀嘛！」

司機回應稱「喂唔關我事呀小姐，你唔好發我脾氣」，並提出可以「同你兜返去行多次」，他又指已耐心解釋路線，只是對方一直不明白。然而港媽批評司機「你睇吓你幾惡呀」，當司機繼續嘗試解釋時，她更喝道：「你可唔可以收聲呀！」

↓ 點 擊 圖 片 放 大 ↓

港媽斥「粗人」：我住跑馬地㗎

司機對於無故被罵感到不滿，遂諷刺港媽道：「唔夠我講梗係唔同我講啦」，港媽便繼續指責對方：「我梗係唔同你啲粗人講啦」，司機聞言隨即反駁：「我梗係粗人，我冇話我係一個斯文人嚟㗎，我唔知你有幾斯文囉！」港媽便表示：「我住跑馬地㗎阿哥！」司機便駁斥：「咁又點呀你住跑馬地大晒呀？好馨香呀跑馬地？」港媽聽罷僅回應：「好過你囉。」

雙方冷靜約10秒後，司機再次直斥港媽「自己檢討吓你自己行為啦」，批評她「唔識路」卻又擔心司機兜路，而且將座駕故障需乘搭的士代步的怒氣發洩在他身上。港媽則強調自己並非發脾氣，司機則指過程已被車Cam拍下作為證據：「我夠知你揸車啦，唔係揸飛機呀嘛，我咪解釋咗畀你聽囉，講咗幾次㗎喇」。

司機邊駕駛邊反擊，再次諷刺港媽指：「斯文人？真係笑大人個口呀住跑馬地，衰過住屋邨呀」，港媽則指「我冇朋友住屋邨㗎喎」，司機亦表示「我都冇朋友住跑馬地呀」，港媽遂冷笑道：「你梗係冇啦！」雙方隨後未有再爭拗，港媽繼續看手機，片段就此結束。

網民：住跑馬地又如何？

不少網民看到影片後，紛紛批評該名港媽「公主病」、「野蠻」和「羞家」，質疑她以如此態度待人會對女兒造成壞榜樣。另有網民欣賞的士司機「好修養」，大讚他面對港媽時仍有禮地跟對方講道理，認為居住地區跟一個人的質素沒有直接關係。

↓ 點 擊 圖 片 放 大 ↓

霸氣司機 ︳不熟路開導航遭惡客埋怨，的士司機逐客︰似我老婆不可理喻，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀